Alvarellos Irmás: oito diálogos contra a desmemoria

Sinopse

Oito escritoras actuais renden homenaxe a algunhas das mulleres máis destacadas na Galiza do período de 1916-1936. Mulleres que, desde logo, non correron a mesma sorte que os seus contemporáneos, homes, que si ficaron nas páxinas da nosa Historia formando parte das Irmandades da Fala.

A través de poemas, relatos ou ilustracións, en Irmás. Oito diálogos contra a desmemoria conflúe a mirada de oito mulleres do pasado e oito do presente.

Este volume xorde a partir do «Proxecto Irmás», impulsado por Culturalia GZ, a entidade que comanda o escritor e activista cultural Martiño Maseda e a presente publicación está coordinada pola tamén escritora, e docente, Beatriz Dourado.

As Irmás reivindicadas son: Amalia Álvarez, Olimpia Valencia, María Luz Morales, María Miramontes, Elvira Bao, Jacinta Landa, Amparo López Jean e Teruca Bouza.

Sobre elas, escriben:
Eilún Del Pazo Moa, Beatriz Dourado, Cecilia F. Santomé, Míriam Ferradáns, Rochi Nóvoa Vázquez, Patricia Torrado Queiruga, Lupe Bao, Tamara Andrés.

O volume inclúe imaxes e unha biografía de cada unha das mulleres reivindicadas.

A capa está ilustrada por Adolfina Mes