Matriarcas Un cesto de mazás

Sinopse

Relatos de historias de represión, que inclúe un sobre María Vázquez Suárez, mestra de Miño, natural de Vilaescura, en Sober.

"Este libro fala de persoas detidas , fusiladas , asasinadas en cunetas , agochadas durante anos en tobos de cortes ou ocos de cociña , humilladas . Fala de foxas , batallóns , depuración , cárcere e exilio . Das vítimas evidentes pero tamén das outras . Das nais que pasean de noite na procura da Santa Compaña para ver unha vez máis o fillo fusilado . Das que perseguen a morte nas entrañas dos pozos para reencontrarse con el . Das nenas que miran pola ventá unha escola na que non teñen cabida as irmás dos rojos . Das obrigadas a bordar panos para recoller as bágoas que aínda lles quedan por verter . Das viúvas que trasladan o cadaleito a soas . Dos orfos que marcan co pau da luz as foxas sen nome."